"...Mapait magbiro si Reyes, at pahiwatig ito ng magiging tono ng pagsasalaysay ng awtor. Sa pamamagitan ng 'postmodernismong' kaisipan, napalaya ng manlilikha mula sa mga batas ng paglikha na ang ibinunga ay elitistang sining na nagluklok sa artista sa katayuang hiwalay sa kanyang mga kababayang hindi makaabot sa kanyang luklukan. Sa kanyang pamumuhay, sa kanyang pananalita, sa kanyang mga adhikain bilang manunulat, gaya nang ipinakilala ng kanyang 'autobiography' si Jun Cruz Reyes ay taal na 'postmodernista' at wastong mapahahalagahan lamang ang kanyang 'nobela' kung babasahin ito bilang akdang kumawala sa tradisyon ng modernismo at sa proseso ay nakahabi ng 'maling' talambuhay ng isang manunulat na sumisimbolo sa pagkamalikhain na di kayang pugtuin ng paghihirap at pananakot." - Bienvenido L. Lumbera, Pambansang Alagad ng Sining - from Amzon